मराठी ग़ज़ल विश्वात ग़ज़लेच्या शुद्ध परंपरेचा मानबिंदू ठरावा असा एक अत्यंत मौलिक ग़ज़लसंग्रह !
हा केवळ ग़ज़लांचा संग्रह नाही, तर ग़ज़ल या काव्यप्रकाराच्या कठोर शिस्तीचे, रचनेचे आणि अस्सल सौंदर्याचे एक मूर्तिमंत रूप आहे.
या संग्रहातील प्रत्येक ग़ज़ल ही अक्षरगणवृत्ताच्या परिपूर्ण चौकटीत तावून-सुलाखून निघालेली आहे. ग़ज़लांमध्ये कोणतीही सवलत (सूट) न घेता, ‘लगावली’च्या (लघु-गुरू क्रमाने) नियमांचे तंतोतंत पालन करून, अक्षरांची संख्या संपूर्ण रचनेत स्थिर ठेवण्याचे अद्भुत कसब ग़ज़लकारांनी येथे दाखवले आहे. वृत्ताची कठोर शिस्त सांभाळताना भावनांचा प्रवाहीपणा आणि काव्यात्मक गोडवा कुठेही कमी होऊ न देणे. हे या संग्रहाचे सर्वात मोठे बलस्थान आहे.
ग़ज़लेच्या तंत्राशी आणि मंत्राशी संपूर्णपणे समर्पित असलेल्या ग़ज़लांचा हा अमूल्य ठेवा मराठी साहित्य परंपरेला समृद्ध करणारा आहे. ग़ज़लेच्या तंत्रशुद्ध रचनेचा अभ्यास करणाऱ्यांसाठी, रसिकांसाठी आणि छंदोबद्ध काव्याची अनुभूती घेऊ इच्छिणाऱ्या प्रत्येक मराठी वाचकासाठी हे पुस्तक म्हणजे एक साहित्यिक पर्वणी आहे!
